ဗကသများအဖွဲ့ချုပ် ဗဟိုစည်းရုံးရေးကော်မတီ (Central Organizing Committee - COC) ဖွဲ့စည်းကြောင်း ထုတ်ပြန်ကြေညာခြင်း

-
ကြေညာချက်အမှတ် - ၄/ဗကသ/၂၀၂၄
ရက်စွဲ - ၂၀၂၄ ခုနှစ် မတ်လ ၄ ရက်

                     ဗကသများအဖွဲ့ချုပ် အပါအဝင် ပြည်သူလူထုတရပ်လုံး ဆင်နွှဲနေတဲ့ ​နွေဦးတော်လှန်ရေးကြီးက ၃ နှစ်တာ ကျော်ခဲ့ပြီဖြစ်ပါတယ်။ ပြည်သူ့လူထုတရပ်လုံးရဲ့ ဘုံရန်သူဖြစ်တဲ့ စစ်အာဏာရှင်စနစ် (စစ်သုံးစစ်)ဟာလည်း တနေ့ထက်တနေ့ ဖရိုဖရဲ ပြိုကျပျက်စီးနေတာ အထင်အရှားပဲဖြစ်ပါတယ်။ ဒီကာလမှာ တိုင်းပြည်နဲ့ ပြည်သူလူထုရဲ့ ရန်သူဖြစ်တဲ့ စစ်အာဏာရှင်စနစ် (စစ်သုံးစစ်) ကို အမြစ်ပြတ်တိုက်ဖျက်နိုင်ရေး၊ အဖိနှိပ်ခံလူမျိုး​ပေါင်းစုံ ပြည်သူလူထုလွတ်မြောက်ရေး အပါအဝင် ၈ ကြိမ်မြောက် ဗကသများအဖွဲ့ချုပ် ညီလာခံက ချမှတ်ပြဌာန်းထားခဲ့တဲ့ မူဝါဒ ၆ ရပ်နဲ့ ရည်မှန်းချက်တွေကို အရှိန်အဟုန်တိုးမြှင့်ပြီး ဆက်လက်အကောင်အထည်ဖော် ဆောင်ရွက်နိုင်ဖို့အတွက် အရေးကြီးဆုံးကာလဖြစ်ပါတယ်။

                     အဲဒီလုပ်ငန်းစဉ်တွေကို တိုးချဲ့ဆောင်ရွက်နိုင်ဖို့အတွက် ဗကသများအဖွဲ့ချုပ် ဗဟိုအမှုဆောင်အဖွဲ့အနေနဲ့ တော်လှန်ရေးလိုအပ်ချက်နဲ့ မျိုးဆက်သစ်ခေါင်းဆောင်မှု တည်ဆောက်ရေးလုပ်ငန်းစဥ်အရ ဗဟိုစည်းရုံးရေးကော်မတီ (Central Organizing Committee - COC) ကို တိုးချဲ့ဖွဲ့စည်းလိုက်ပါတယ်။ ဗဟိုစည်းရုံးရေးကော်မတီ (Central Organizing Committee - COC) က​နေ ဦးဆောင်ပြီး လုပ်ငန်းကော်မတီအသီးသီး ဖွဲ့စည်းကာ ဗကသများအဖွဲ့ချုပ်ရဲ့အလံတော်ကို ဆက်လက်သယ်ဆောင်ပြီး တာဝန်အရပ်ရပ်ကို ထမ်းရွက်သွားမှာပဲဖြစ်ပါတယ်။ 

“အမျိုးသားခွပ်ဒေါင်းအလံတော်ကို အမြင့်မားဆုံးလွှင့်ထူကြ”
“ဗကသများအဖွဲ့ချုပ် အဓွန့်ရှည်ပါစေ”

ဗဟိုအမှုဆောင်အဖွဲ့
ဗကသများအဖွဲ့ချုပ်

Popular Posts

ရန်ကုန်မှာ ဗကသများအဖွဲ့ချုပ်က စစ်အာဏာရှင်စနစ် ဆန့်ကျင်ရေး လှုံဆော်လှုပ်ရှားမှု ပြုလုပ်

-
၂၀၂၄ မေ ၂၄၊ ဗကသ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) က ရန်ကုန်မြို့တနေရာမှာ ဗကသရဲဘော်များက ကဆုန်လပြည့်နေ့ အထိမ်းအမှတ်အဖြစ် ပြည်သူလူထုအား ပန်းနှင့် စစ်အာဏာရှင်စနစ် ဆန့်ကျင်ရေး လက်ကမ်းစာစောင်တွေကို မေလ ၂၂ ရက်နေ့မှာ ဖြန့်ဝေခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #abfsu #ဗကသ
Read more

Statement Condemning the Mandatory Conscription Law

-
Image
The Mandatory Conscription Law enacted by the State Administration Council [SAC] or the coup council is thrusting the country into an even deeper pit of hellfire. This Mandatory Conscription Law will bring added misery to the more than 50 million people of Myanmar while currently also facing a general crisis. The crisis deepens with soaring food prices and rampant inflation due to the ongoing military offensive against civilians, economic mismanagement, and stagnant wages. This Mandatory Conscription Law will result in distrust that will lead to social collapse and Burma [Myanmar] will become a failed state. The Mandatory Conscription Law proves that the military dictatorship is currently facing a crisis and this is their desperate attempt to hold onto power. We have an opportunity to build genuine unity for the people's liberation movement to grow, despite ...
Read more

စစ်အာဏာရှင်စနစ်ကို တွန်းလှန်တိုက်ဖျက်ရင်း မြင့်မြတ်ဂုဏ်ပြောင်စွာ ကျဆုံးသွားခဲ့သော ဗကသရဲဘော် အောင်ခန့်ဇော် (ခ) ကိုဂျပန်ကြီး သို့ ဂုဏ်ပြု‌သဝဏ်လွှာ

-
Image
သဝဏ်လွှာအမှတ် - ၈/ဗကသ/၂၀၂၄ ရက်စွဲ - ၂၀၂၄ ခုနှစ် မတ်လ ၂၂ ရက် ၂၀၁၂ - ၁၅ ဗကသမျိုးဆက်၊ ပုသိမ်ခရိုင်ကျောင်းသားများသမဂ္ဂ (ဗကသများအဖွဲ့ချုပ်) နှင့် ပုသိမ်နည်းပညာတက္ကသိုလ်ကျောင်းသားများသမဂ္ဂ (ဗကသများအဖွဲ့ချုပ်) တို့၏ အဖွဲ့ဝင် (ဟောင်း) ဖြစ်သူ ရဲဘော်အောင်ခန့်ဇော် (ခ) ကိုဂျပန်ကြီးသည် စစ်အာဏာရှင်စနစ်ကို တွန်းလှန်တိုက်ဖျက်ရင်း၊ ပြည်သူ့တာဝန်များကို ထမ်းဆောင်ရင်း ၂၀၂၄ ခုနှစ် မတ်လ ၂၂ ရက်နေ့တွင် ကျဆုံးသွားပါသည်။  စစ်အာဏာရှင်စနစ်အား တွန်းလှန်တိုက်ဖျက်ရင်း အာဇာနည်ပီသစွာဖြင့် အသက်ပေးလှူကာ မြင့်မြတ်ဂုဏ်ပြောင်စွာ ကျဆုံးသွားခဲ့သော ဗကသရဲဘော် အောင်ခန့်ဇော် (ခ) ကိုဂျပန်ကြီးအား ကျွန်ုပ်တို့ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) မှ အစဉ်အမြဲအောက်မေ့ သတိရနေမည်ဖြစ်သည်။ ရဲဘော်၏ မပြီးပြတ်သေးသော စစ်အာဏာရှင်စနစ် အမြစ်ပြတ်တိုက်ဖျက်ရေး တာဝန်များ၊ အဖိနှိပ်ခံပြည်သူလူထု လွတ်မြောက်ရေး တာဝန်များကို အလုံးစုံကျေပွန်သည့်အထိ ကျွန်ုပ်တို့ ဗကသများအဖွဲ့ချုပ်မှ အဖိနှိပ်ခံပြည်သူလူထုနှင့်အတူ ဆက်လက်၍ တိုက်ပွဲဝင်သွားမည်ဖြစ်ကြောင်းကိုလည်း ကျ‌ဆုံးရဲဘော်များအား တိုင်တည်ကာ ကတိသစ္စာပြုအပ်ပါသည်။ “မြေဝသုန်ရေ ...
Read more