All Burma Federation Of Student Unions (ABFSU)

၂၀၂၄ မေ ၂၈၊ ဗကသ ဗကသများအဖွဲ့ချုပ်နဲ့ Mini Rats' Force - MRF တို့ ပူးပေါင်းပြီး ယင်းမာပင်မြို့နယ်အတွင်းက စစ်ဘေးရှောင်ပြည်သူတွေကို ဒီကနေ့ မေလ ၂၈ ရက်နေ့မှာ ရေခဲညှပ်‌မုန့်တွေ အာဟာရဒါနဖြစ် ကျွေးမွေးခဲ့ပါတယ်။ အာဟာရဒါနလုပ်နိုင်ဖို့ ထောက်ပံ့ကူညီခဲ့တဲ့ ပြည်သူတိုင်းကို စစ်ရှောင်လူထုကိုယ်စား ဗကသများအဖွဲ့ချုပ်က ကျေးဇူးအထူးတင်ရှိပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ်

  သဝဏ်လွှာအမှတ် -  ၁၃/ဗကသ/၂၀၂၄ ရက်စွဲ - ၂၀၂၄ ခုနှစ် မေလ ၂၆ ရက်                   မြင်းခြံနည်းပညာကောလိပ် ကျောင်းသားများသမဂ္ဂ (ဗကသများအဖွဲ့ချုပ်) ၏ ကျောင်းသားထုအခွင့်အရေးတာဝန်ခံ(ဟောင်း) ဖြစ်သူ ကိုအောင်သူရသည် စစ်အာဏာရှင်စနစ်ကို တွန်းလှန်တိုက်ဖျက်ရင်း၊ ပြည်သူ့တာဝန်များကို ထမ်းဆောင်ရင်း ၂၀၂၄ ခုနှစ် မေလ ၂၆ ရက်နေ့တွင် ကျဆုံးသွားပါသည်။ စစ်အာဏာရှင်စနစ်ကို တွန်းလှန်တိုက်ဖျက်ရင်း အာဇာနည်ပီသစွာဖြင့် အသက်ပေးလှူကာ မြင့်မြတ်ဂုဏ်ပြောင်စွာ ကျဆုံးသွားခဲ့သော ဗကသရဲဘော် ကိုအောင်သူရအား ကျွန်ုပ်တို့ ဗကသများအဖွဲ့ချုပ်မှ အစဉ်အမြဲအောက်မေ့ သတိရနေမည်ဖြစ်သည်။ ရဲဘော်၏ မပြီးပြတ်သေးသော စစ်အာဏာရှင်စနစ် အမြစ်ပြတ်တိုက်ဖျက်ရေး တာဝန်များ၊ အဖိနှိပ်ခံပြည်သူလူထု လွတ်မြောက်ရေး တာဝန်များကို အလုံးစုံကျေပွန်သည့်အထိ ကျွန်ုပ်တို့ ဗကသများအဖွဲ့ချုပ်မှ အဖိနှိပ်ခံပြည်သူလူထုနှင့်အတူ ဆက်လက်၍ တိုက်ပွဲဝင်သွားမည်ဖြစ်ကြောင်းကိုလည်း ကျ‌ဆုံးရဲဘော်များအား တိုင်တည်ကာ ကတိသစ္စာပြုအပ်ပါသည်။ “မြေဝသုန်ရေ . . . ဂုဏ်ပြုအပ်တဲ့ ရဲဘော်တဦးကို ဆီးလို့ကြိုပေတော့” ဗဟိုစည်းရုံးရေးကော်မတီ ဗမာနို...

၂၀၂၄ မေ ၂၅၊ ဗကသ ရွှေပြည်သာမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ ရွှေပြည်သာမြို့နယ်သပိတ်ကော်မတီနဲ့ မျိုးဆက်သစ်လူငယ်များသပိတ်ကော်မတီ (NGYSC) တို့ ပူးပေါင်းပြီး ရန်ကုန်မှာ “သွေးကြွေးလည်းတောင်း၊ စစ်ခွေးလည်းမောင်း” စာသားပါ ဘန်နာကိုချိတ်ပြီး၊ စစ်အာဏာရှင်စနစ် ဆန့်ကျင်ရေး လှုံ့ဆော်စတေကာတွေ ကပ်တာ၊ စာရွက်ကြဲတာ စတဲ့ လှုပ်ရှားမှုတွေကို ဒီကနေ့ မေလ ၂၅ ရက်နေ့က ရန်ကုန်မြို့အနှံ့အပြားမှာ ပြုလုပ်ခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #abfsu #ဗကသ

၂၀၂၄ မေ ၂၄၊ ဗကသ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) က ရန်ကုန်မြို့တနေရာမှာ ဗကသရဲဘော်များက ကဆုန်လပြည့်နေ့ အထိမ်းအမှတ်အဖြစ် ပြည်သူလူထုအား ပန်းနှင့် စစ်အာဏာရှင်စနစ် ဆန့်ကျင်ရေး လက်ကမ်းစာစောင်တွေကို မေလ ၂၂ ရက်နေ့မှာ ဖြန့်ဝေခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #abfsu #ဗကသ