All Burma Federation Of Student Unions (ABFSU)

ရဲဘော်နဲ့ ပြည်သူများ သတိကြီးကြီးထားကြလော့ ရန်သူစစ်အုပ်စုက သဘာဝဘေး (ငလျင်) ကို အသုံးချပြီး လူသားချင်းစာနာမှု အကူအညီတွေ ပေးအပ်ဖို့ နိုင်ငံတကာကို တောင်းခံနေတယ်။ ဒါဟာ ရန်သူစစ်အုပ်စုအနေနဲ့ သဘာဝဘေးကို အသုံးချပြီး နိုင်ငံတကာဆက်ဆံရေးကဏ္ဍ တိုးချဲ့နိုင်ရေး ကြိုးပမ်းမှုလုပ်တာပါပဲ။ အောင်သူငြိမ်း တို့လို ငြိမ်းချမ်းရေးပွဲစားတွေ၊ မောင်မောင်စိုး တို့လို ငြိမ်းချမ်းရေးအချောင်သမားတွေကလည်း စစ်အုပ်စုနဲ့ညှိနှိုင်းဖို့၊ စကစနဲ့ ရင်ကြားစေ့ဖို့ကို အချိန်ကိုက်လှုံ့ဆော်နေတယ်။ ဒီလူတွေက မျက်တောင်မွှေးတဆုံးပဲကြည့်ပြီး လူမျိုးပေါင်းစုံ ပြည်သူလူထုအပေါ် နှစ်ပေါင်းများစွာ ဖိနှိပ်ရက်စက် သတ်ဖြတ်ခဲ့တဲ့ ရန်သူစစ်အုပ်စုရဲ့ လုပ်ရပ်တွေကို သင်ပုန်းချေခိုင်းတာပါပဲ။ သဘာဝဘေးဖြစ်နေချိန် (ငလျင်လှုပ်နေချိန်) နဲ့ ဖြစ်အပြီးမှာတောင် ပြည်သူလူထုအပေါ် ရက်ရက်စက်စက် ဗုံးကြဲသတ်ဖြတ်နေတဲ့၊ ပေါ်တာဆွဲဖမ်းဆီးနေတဲ့ ဖက်ဆစ်တပ်ကို ညှိနှိုင်းဖို့ ရင်ကြားစေ့ဖို့ဆိုတဲ့ လှုံ့ဆော်တိုက်တွန်းမှုဟာ ပြည်သူလူထုရဲ့ နိုင်ငံရေးနိုးကြားမှု၊ ပြည်သူလူထုရဲ့ ရုန်းကန်မှုကို စော်ကားတာပါပဲ။ ပြည်သူကို လိမ်ညာဖို့ ကြိုးပမ်းတာပါပဲ။ ဒါဟာ ပြည်သူ့တော်လှန်ရေးကို သစ္စ...

မတ်လ ၂၉၊ ၂၀၂၅ ဗဟိုစည်းရုံးရေးကော်မတီ ဗကသများအဖွဲ့ချုပ် #ABFSU #earthquake

On March 28 2025, a strong 7.7 magnitude earthquake struck the northeastern part of Mandalay, with its epicenter located in the region. Due to the earthquake, the fascist military junta declared a state of emergency in the six regions (Sagaing, Magway, Mandalay, Bago, Shan, and Nay Pyi Taw). We urge all progressive and democratic forces to stand with the oppressed people of Burma affected by the earthquake. It is important to send aid and support directly to the people affected. Long Live International Solidarity The People United Will Never Be Defeated #whatshappeninginmyanmar #myanmarearthquake #myanmarspringrevolution #ABFSU #longliveinternationalsolidarity #antifascism

မတ်လ ၂၉၊ ၂၀၂၅ ကနီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး မသဥ္ဇာဟိန်း ကျဆုံးခြင်း လေးနှစ်ပြည့်အခမ်းအနားတရပ်ကို မတ်လ ၂၈ ရက်နေ့က ကနီမြို့နယ်မှာ ပြုလုပ်ခဲ့ပါတယ်။ အဆိုပါ အခမ်းအနားမှာ လွမ်းသူ့ပန်းခွေများချခြင်း၊ ဒေသခံကာကွယ်ရေးတပ်က သေနတ်ပစ်ဖောက် အလေးနီပြုခြင်း၊ လူထုသပိတ်တရား ဟောပြောခြင်း၊ ကဗျာများရွတ်ဖတ်ခြင်းတို့ ပြုလုပ်ခဲ့ကြပါတယ်။ အခမ်းအနားကို ကနီမြို့နယ်အတွင်းက ပြည်သူ့အခြေပြုကျောင်းသားများသမဂ္ဂ (ဗကသများအဖွဲ့ချုပ်) က ရဲဘော်များ၊ ဆရာဆရာမများ၊ ပြည်သူလူထု၊ ကျေးရွာ ပကဖ/ပအဖ ရဲဘော်များနဲ့ မြို့နယ်ပကဖ တာဝန်ခံများ တက်ရောက်ခဲ့ကြပါတယ်။ #ABFSU #KNSU #မသဉ္ဇာဟိန်း 

ဖက်ဆစ်တော်လှန်ရေးနေ့ နှစ်(၈၀)ပြည့်အဖြစ် တနင်္သာရီမြို့နယ်တနေရာတွင် ဗကသမှ ‌တော်လှန်ရေးရုပ်ရှင်ပြသ မတ်လ ၂၈ ရက်၊ ၂၀၂၅ ခုနှစ် တနင်္သာရီမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ဦးဆောင်ပြီး မနေ့ည တနင်္သာရီမြို့နယ် တနေရာမှာ ဖက်ဆစ်တော်လှန်ရေး‌နေ့ နှစ်(၈၀)ပြည့် အထိမ်းအမှတ်အဖြစ် စစ်အာဏာရှင်ဆန့်ကျင်ရေး တော်လှန်ရုပ်ရှင်ကို ပြသခဲ့ပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #ဖက်ဆစ်တော်လှန်ရေးနေ့ #AntiFascistDay

ဖက်ဆစ်တော်လှန်ရေးနေ့ နှစ်(၈၀)ပြည့် အထိမ်းအမှတ်အဖြစ် ပုလဲမြို့တွင် ဗကသက စာစောင်များဖြန့်ဝေ မတ်လ ၂၇ ရက်၊ ၂၀၂၅ ခုနှစ် ပုလဲမြို့နယ်ကျောင်းသားများသမဂ္ဂ (ဗကသများအဖွဲ့ချုပ်) က ပုလဲမြို့နယ်မှာရှိတဲ့ ပြည်သူ့အခြေပြုကျောင်းတကျောင်းက ကျောင်းသားတွေ၊ ဆရာဆရာမတွေနဲ့ ဒေသခံပြည်သူတွေကို ဖက်ဆစ်တော်လှန်ရေးနေ့ နှစ်(၈၀)ပြည့် အထိမ်းအမှတ်အဖြစ် တော်လှန်ရေးနေ့ သမိုင်းကြောင်းများကို မျှဝေတဲ့ စာစောင်တွေ ဖြန့်ဝေခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #AntiFascistDay #ဖက်ဆစ်တော်လှန်ရေးနေ့ #studentsmovement

ဖက်ဆစ်တော်လှန်ရေးနေ့ နှစ် (၈၀) ပြည့် အထိမ်းအမှတ်အဖြစ် ဗကသနှင့် ဗမသမှ ရန်ကုန်မြို့အတွင်း လှုပ်ရှားမှုပြုလုပ် မတ် လ ၂၇ ရက်၊ ၂၀၂၅ ခုနှစ် ဖက်ဆစ်တော်လှန်ရေးနေ့ နှစ် (၈၀) ပြည့် အထိမ်းအမှတ်အဖြစ် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်နဲ့ ဗမာနိုင်ငံလုံးဆိုင်ရာ အမျိုးသမီးများ သမဂ္ဂတို့ စုပေါင်းပြီး ရန်ကုန်မြို့တနေရာမှာ နိုင်ငံရေးဟောပြောမှု လှုပ်ရှားမှုတရပ် ပြုလုပ်ခဲ့ကြပါတယ်။ ဖက်ဆစ်နယ်ချဲ့ကို တော်လှန်ခဲ့တဲ့နေ့အဖြစ် သတ်မှတ်ခံခဲ့ရတဲ့ ဒီလိုနေ့ထူးနေ့မြတ်ကို နေဝင်းစစ်အစိုးရက တပ်မတော်နေ့လို့ အမည်ပြောင်းသိမ်းပိုက်ခဲ့တာတွေနဲ့ စစ်အုပ်စုအဆက်ဆက်ရဲ့ ဖိနှိပ်မှုတွေကို လူထုသိအောင် အသိပေးပြောကြားခဲ့ပြီး တဆက်တည်းမှာပဲ ဒီစစ်အာဏာရှင်စနစ်ကို အမြစ်ဖြတ်ချေမှုန်းကြဖို့ရာ ‌နှိုးဆော်ထားပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #AntiFascistDay #StudentsMovement #WomensMovement

ရေစကြိုမြို့နယ်တွင် ဗကသများအဖွဲ့ချုပ်မှ ကျောင်းသားများနှင့် တွေ့ဆုံဆွေးနွေးပွဲတရပ် ပြုလုပ် မတ်လ ၁၈ ရက်၊ ၂၀၂၅ ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသများအဖွဲ့ချုပ်) က ရေစကြိုမြို့နယ်မှာရှိတဲ့ ပြည်သူ့အခြေပြု ကျောင်းတကျောင်းမှာ တွေ့ဆုံဆွေးနွေးပွဲတရပ်ကို ဒီကနေ့ နေ့လယ်ပိုင်းမှာ ကျင်းပပြုလုပ်ခဲ့ပါတယ်။ ဒီဆွေးနွေးပွဲမှာတော့ သမဂ္ဂရဲဘော်တွေကနေ ကျောင်းသားသမဂ္ဂပေါ် ပေါက်လာပုံ သမိုင်းအကျဉ်းချုပ်နဲ့ ဗမူ ၆ ချက်ကို ရှင်းလင်းတင်ပြပြီး လက်ရှိတော်လှန်ရေးအခြေအနေတွေနဲ့ ပညာရေးနဲ့နိုင်ငံရေး နီးနီးကပ်ကပ် ဆက်စပ်နေပုံကို တက်ရောက်လာတဲ့ ကျောင်းသားတွေနဲ့အတူ ဆွေးနွေးခဲ့ကြပါတယ်။ ဒီဆွေးနွေးပွဲကို‌တော့ ကျောင်းသားတွေ၊ ဆရာဆရာမတွေအပြင် ရပ်မိရပ်ဖတွေပါ တက်ရောက်ခဲ့ကြပါတယ်။ #ABFSU #ရေစကြို #studentsmovement

စစ်ကိုင်းတိုင်း၊ ပုလဲမြိုတနေရာတွင် ဗကသများအဖွဲ့ချုပ်မှ တံတားနီနေ့အထိမ်းအမှတ် ဟောပြောပွဲပြုလုပ် မတ်လ ၁၆ ရက်၊ ၂၀၂၅ ဗကသများအဖွဲ့ချုပ်က ဦးဆောင်ပြီး စစ်ကိုင်းတိုင်း၊ ပုလဲမြိုတနေရာမှာ တံတားနီနေ့ အထိမ်းအမှတ်အဖြစ် ‌ကျောင်းသားကျောင်းသူတွေနဲ့အတူ ဆွေးနွေးဟောပြောပွဲတခု ‌ပြုလုပ်ခဲ့ကြပါတယ်။ ကျောင်းသားလှုပ်ရှားမှုတွေနဲ့ ဒီလှုပ်ရှားမှုကို စစ်တပ်က ဖိနှိပ်ခဲ့တဲ့အကြောင်းတွေ၊ တံတားနီနေ့ဖြစ်လာရတဲ့အကြောင်းတွေကို သရုပ်ပြပုံတွေ အသုံးပြုပြီး တက်တက်ကြွကြွ ဆွေးနွေးပြောကြားခဲ့ပါတယ်။ သတင်းနှင့်ပြန်‌ကြားရေးကော်မတီ ဗကသများအဖွဲ့ချုပ် #ABFSU #တံတားနီနေ့ #ပုလဲ

ဗကသများအဖွဲ့ချုပ်မှ ရန်ကုန်မြို့တနေရာတွင် တံတားနီနေ့အထိမ်းအမှတ် လှုပ်ရှားမှုပြုလုပ် မတ်လ ၁၆ ရက်၊ ၂၀၂၅ ဗကသများအဖွဲ့ချုပ်က ရန်ကုန်မြိုတနေရာမှာ တံတားနီနေ့ အထိမ်းအမှတ်အဖြစ် "တံတားနီနေ့ မမေ့ကြနဲ့" ဆိုတဲ့ စာသားရေးသားပြီး လှုပ်ရှားမှုပြုလုပ်ခဲ့ကြပါတယ်။ သတင်းနှင့်ပြန်ကြားရေးကော်မတီ ဗကသများအဖွဲ့ချုပ် #ABFSU #တံတားနီနေ့ #studentsmovement